CV

Enver S.Çesko, i lindur më 15 Tetor 1957 në Prizren nga babai Sejfeddin dhe nga nëna Mahire, që të dytë punëtor arsimi.Shkollën fillore dhe të mesmen ka kryer në Prizren. Pasi që dëshira e tij ka qenë të bëhej psikolog, vendos që studimet të fillojë në Universitetin e Zagrebit.Por për arsye objektive nuk arin të regjistrohet dhe vendos që përkohësisht të vazhdoj studimet në gjuhën dhe letërsinë e gjuhës angleze në Shkollën e Lartë Pedagogjike në Prizren.Studimet i kryen me kohë dhe në vitin 1978 përsëri vendos të studjoj psikologjin.Atë vit regjistrohet në Universitetin e Sarajevës në degën e psikologjisë dhe pedagogjisë ku në vitin 1982 përfundon studimet.

Në vitin 1985 kryen shërbimin ushtarak në Banjallukë të Bosnje dhe Hercegovinës

Pas përfundimit të studimeve punësohet në Industrin e Gomës dhe Kimike”Ballkan” në Suharekë, ku punon si psikolog në repartin e shëndetësisë.Pas një viti regjistron studimet postdiplomike në Universitetin e Sarajevës në degën e Andragogjis psikologjike ku në vitin 1987 magjistron me temën”Problemet Andragogjiko-Psikologjike të Martesës dhe Familjes në Kosovë”.Për arsye të trazirave politike në Bosnje dhe Hercegovin, dhe Serbi nuk arin të mbroj disertacionin e doktoraturës, që ishte shumë afër doktorimit.

Në vitin 1989 nga regjimi serb dëbohet nga puna.Pas dy viteve bashkëpunon me neuropsikiatrin dr.Sylen Vranica, në ordinancën private, “Reflexi” në Prizren.

Në vitin 1993 regjistron ordinancën e parë psikologjike private me emrin “Psikodiagnostika”,në Prizren, ku ende punon.

Në vitin 1994 fillon edukimin nga psikoterapia trupore në Beograd, në Klinikën Psikiatrike “Dragisha Mishoviq”.Edukimi zgjatë deri në fund të vitit 1998 ku ndërprehet për arsye rrezikut të fillimit të luftës në Kosovë.

Pas përfundimit të luftës në Kosovë vazhdon me edukimin nga psikoterapia trupore ku merr edukime në qendrat e njohura për psikoterapi trupore në SHBA dhe Europë.

Në vitin 2001 licencohet nga Asociacioni Europian për Psikoterapi Trupore me seli në Amsterdam.

Nga viti 2002 regjistrohet në Akademin Internacionale për Psikoterapi Pozitive në Wiesbaden të Gjermanisë.Në vitin 2005 diplomon për trajner nga Psikoterapia Positive.Tani është në edukim për Supervizor në Psikoterapi.

Është anëtar i Këshillit Botëror për Psikoterapi/WCP,1997/, anëtar i Asociacionit Europian për Psikoterapi/EAP,1998/,anëtar i Qendrës Internacionale për Psikoterapi Pozitive/ICPP,2000/, anëtarë i Asociacionit Europian për Psikoterapi Trupore/EABP,2001/, anëtar i Studimeve Europiane për Stres dhe Traumë/ETSS,2003/, anëtar i Bordit të Asociacionit Aziatik për Psikoterapi/BAAP,2004/, themelues i Shoqatës së Psikoterapeutëve të Kosovës dhe njëherit Kryetar i saj/KAP,2002/, anëtar i Asocioacionit të Psikiatërve të Kosovës/APK, 2004/ dhe drejtor i Qendres Kosovare per Psikoterapi Pozitive/2005/

Ka marë pjesë në Kongreset botërore për psikoterapi/Viena, 1999, 2002,Wiesbaden,2001,

Miami Beach-SHBA,1999,Amstredam 2002,Berlin,2003, Guatemala 2003,Ischia-Napoli 2003,Lviv-Ukraina 2003,Teheran 2004, Odessa 2004, Athinë 2004.Në këto kongrese ka patur presentime nga lamia e psikoterapisë.

Është trajner me licencë ndërkombëtare nga lamia e psikoterapisë ku edhe mbanë dhe organizon trajnime nga psikoterapia trupore.

Që nga viti 1982 ka botuar rreth 30 punime shkencore dhe mbi 200 artikuj të ndryshme.

Pas luftës në Kosovë, ka bërë studime nga fusha e traumës ku njëherit punon edhe si bashkëpunëtor profesional për stres dhe traumë në Qendrën Kosovare për Rehabilitimin e Mbijetuarëve nga Tortura/QKRMT-Prishtinë/ dhe ne Qendrën për Menagjim të Stresit dhe Edukim/CSME/ në Gjakovë.

Është i martuar me bashkëshorten Nazan,e lindur Gjinali, ekonomiste e diplomuar, ku nga martesa e tyre kanë vajzën 18 vjeqare Elmedina dhe djali 16 vjeqar Fatih. Jetonë dhe punon në Prizren.